又黎利申，本人之前有睇過單身男女１，亦非常鍾意睇。尤記得呢套戲２０１１年上映，當時不論男女睇完之後都會問句：你揀邊個？梗係啦，古天樂靚仔又有錢、吳彥祖情深又靚仔；最緊要兩個都靚仔，男人同女人都好易代入角色。所以個陣呢齣戲都幾令人津津樂道。
ＯＫ，返番黎２０１４年呢個世界先。
３年後，吳彥祖變左特別演出，女主角變左楊千嬅。你無睇錯，楊千嬅由帶頭到尾。如果大家仲有興趣，可以再繼續睇埋落去。
故事大綱：
上集，張申然（古天樂飾）向程子欣（高圓圓飾）求婚失敗，程子欣答應方啟宏（吳彥祖飾）結婚。
今集，程子欣婚前兩個月，向「女股神」楊鴦鴦（楊千嬅飾）自薦並成為其下屬，但當中發現原來張申然撘上楊鴦鴦；當中程子欣哥哥程子建（周渝民飾）向楊鴦鴦展向追求；後來張申然發現自己對程子欣未忘情，最後就七國咁亂。新加入兩個角色：楊鴦鴦（楊千嬅飾）同程子建（周渝民飾），角色背景唔重要，最重要係佢地性格一個似張申然，另一個就扮返方啟宏。無論對白、節奏，方式都差唔多。
橋段？同上集一樣。我明，追女仔橋段差唔多；而且又要回顧一下上集講咩，不過唔使全集都用返晒上集Ｄ野掛？爬屋、求婚、追女仔；同一碟飯又再炒多次。好遺憾，今次用上楊千嬅。當感情戲落係楊千嬅身上，係所有氣氛都破壞左。應該開心時，你望到佢會好尷尬，因為太假；應該感動時，佢呆左，我替佢對手擔心。
因為吳彥袓要照顧佢個女而要客串，最後佢的角色方啟宏倒模咁由周渝民做返，不過係追楊千嬅。（戲中咁少見到吳彥袓，擺返幅相壓一壓個場先）
成齣戲約兩個鐘，古天樂同高圓圓的對手戲竟然連十分鐘都唔夠。就算講到佢地兩個有幾情深深，起碼都俾返Ｄ戲黎感到下觀眾我先得架。吳彥袓出場咁少，同高圓圓的對手戲當然更加少之有少。所以當結局講到楊千嬅要高圓圓點都要揀返個個陣，我覺得導演應該都要俾返場戲楊千嬅，都叫佢揀返個走人。
今次劇情係豐富，因為太多支線，所以做唔到細膩的感覺（你知，感情戲最緊要講ＦＥＥＬ）。好多劇情交代都只係草草著筆，輕輕帶過。配角方面好貧泛，除左林雪，根本無一位配角係點綴到，同時浪費左林雪呢個角色。
著墨點仲要去晒楊千嬅同周渝民度；但結局又要俾返古天樂、高圓圓同吳彥袓。
仲有，因為要趕住開拍，搞到吳彥袓淪為客串，成齣戲搞到不淪不類。
如果真係想睇呢齣戲，建議直接睇返第一集。
電影評分: 4/10
伸延參考:
1. 單身男女 。2011年預告片：
1. 單身男女 。2011年預告片：
古天樂當年真係好靚仔，而家個樣就膠左Ｄ。
2. 單身男女2 。2014年預告片：
高圓圓同吳彥袓一樣都係咁靚仔靚女
2. 單身男女2 。2014年預告片：
高圓圓同吳彥袓一樣都係咁靚仔靚女
