自我介紹。Movie Mellee

自我介紹。Movie Mellee

1. 你憑咩寫影評？
   well...就憑我睇左廿幾年電影、電視劇！（講笑）
   首先唔算係咩影評，當係睇完戲將自己的感想同大家分享下。同埋，每個人的經歷、睇事物的觀點都好唔同，我想將自己獨有的感受同諗法，透過文字同所有喜歡電影甚至唔喜歡電影的人分享。
   　　　　　　　　　　　
2. 睇左咁多年戲，點解無端端開始寫影評？
   一直想寫好耐，係＜分手１００次＞呢齣戲令我覺得係時候要寫一寫。
   　　　　　　　　
3. 係咪有商家揾你寫？
   嘩，我都想！全部真金白銀自己買飛入場。
   　　　　　　
4. 有咩戲你特別鍾意睇？唔鍾意睇？
   其實所有戲我都會睇；就算係爛片，有時間都會入場睇一睇，例如年度電影＜天機：富春山居圖＞，你唔睇簡直係無話題。
   　　　　　　　
5. 咁其實你寫黎做咩？
   你知啦，有時ｄ爛片真係講兩日三夜都講唔完；咁當然，好睇既電影都會想同大家分享。（都係個句，無利益收受，純分享）
   寫返篇文，當係警惕大家又好、推薦大家又好，希望感染大家睇or唔睇戲。
   　　　　
6. 你寫得咁口語化，算得係咩文章？
   呢個係香港的文化，呢個時代的語言；身為土生土長的香港人，夾雜住廣東話的文，會唔係有多份親切感？況且，我的文章係走休閒風（著衫咩?）；睇戲又係一種娛樂，Why so serious?
                 
7. 你寫得咁...坦白，怕唔怕有D人唔鍾意，搞到之後求其打下文交功課?
   哈，我怕無人睇多D（笑）！！香港地除左揾錢機會多之外，自由都仲算係多既。（至少我一直相信）
                          
8. 唔... 都無咩想問啦...非常好！
   大家得閒可以睇下另一個連結ＢＬＯＧ，講化妝同美容，希望大家可以多多支持！
   http://beautymellee.blogspot.hk/